#၂၀၂၀ နှစ်သစ်ဆုတောင်း
ပြည်တောင်စုဖွား မြန်မာနိုင်ငံသား
မျိုးနွယ်စုအားလုံးဟာ
ချမ်းသာသုခကို မြတ်နိုးကြပြီး၊
ငြိမ်းချမ်းစွာ
နေထိုင်လိုကြသူများဖြစ်ကြတယ်။
သို့ရာတွင်
ယနေ့တိုင်
လိုအင်ဆန္ဒ
အပြည့်အဝ မရရှိကြသေးသည်မှာ …
သတိသံပဇဉ်ညတရား
အားနည်းနေခြင်းကြောင့်သာဖြစ်တယ်။
သတိသံပဇဉ်ညကို
တိုးမြှင့်လေ့ကျင့်ပြီး
မလုပ်သင့်တာကို
ရှောင်၊ လုပ်သင့်တာကို
အကောင်းဆုံးဖြစ်အောင်
လုပ်ဆောင်ကြရပါမယ်။
သို့မှသာ မိမိတို့မျှော်လင့်ထားတဲ့
ချမ်းသာသုခနဲ့
ငြိမ်းချမ်းမှုကို
ရရှိနိုင်ကြမှာဖြစ်တယ်။
မလုပ်သင့်တာတွေ
လုပ်နေသမျှ
လုပ်သင့်တာတွေ
မလုပ်သေးသမျှ …
မည်သူတစ်ဦးတစ်ယောက်မှ
ချမ်းသာသုခကိုမရနိုင်ပါ။
မလုပ်သင့်တာတွေ
လုပ်နေသမျှ
ဆိုးကျိုးနှင့်သာ
ကြုံတွေ့ကြရမှာဖြစ်ပြီး
လုပ်သင့်တာတွေကို
မလုပ်သေးသမျှ …
ကောင်းကျိုး
ချမ်းသာက
ဝေးကွာနေဦးမှာသာဖြစ်တယ်။
ဒါကြောင့်
နိုင်ငံတကာနှစ်သစ်ကူး
၂၀၂၀ ပြည့်နှစ်
နှစ်ဦးကာလမှ
အစပြု၍
သတိသံပဇဉ်ညတရား
လက်ကိုင်ထားကာ …
အတ္တအကျိုး၊
ပရအကျိုး၊
နိုင်ငံအကျိုး
ပွားတိုးအောင် ဆောင်ရွက်ကြပါလို့
မေတ္တာပြုတိုက်တွန်းအပ်ပါတယ်။
ပါမောက္ခချုပ်ဆရာတော်ကြီး
ဒေါက်တာအရှင်နန္ဒမာလာဘိဝံသ
bwar99.blogspot.com
No comments:
Post a Comment